ليـكن وجودك في هذه الحياة أجمــل
اكيد سألت نفسك اكتر من مره مين أسس فريق بداية اللي من اقوى الفرق الطلابية في جامعة الأزهر؟
محمد عبد العال
كان مؤمن ان القائد هو تاجر الأمل وهدفه الرئيسي ف الحياة مساعدة الناس
أسس الفريق ف 23/2/2014 وهو لسه طالب ف أولى تجارة ، بدأ يعمل ملازم تساعد زمايله ف الكلية مش بس كده ، ده كمان كان بيشرحلهم المواد اللي بتقف معاهم من غير ولا مليم
ماوقفش لحد كده وبدأ يشرح لزمايله الأصغر منه سناً ويعملهم ملازم تساعدهم ع المذاكرة وكمان جابلهم طلبة يساعدوهم ف باقي المواد اللي مكنش عنده وقت يشرحها و فـ الصور دي هتشوف تعليقات الطلبة اللي بيحضرو معاه وكمان صور لمحاضرت من السنوات اللي فاتت
فلو انت تعبت من اللف ع الـ Courses الكتيير والنصب الاكتر ونفسك توصل لمحاضر يوصلك المادة العلمية بشكل مبسط وسهل وسعره مخفّض ، وكمان يساعدك تجيب الامتياز اللي بتحلم بيه ف اسمع مني وماترحش لحد غيره
ف 2016 بقا نظّم event #بروفيسور_اون_لاين وده كان هدفه مساعدة الطلبة ازاي يتعلمو عن طريق الانترنت وياخدو Courses تطور من شخصياتهم وتساعدهم يواكبو سوق العمل وكمان يتعلمو ازاي يكونو freelancers ويشتغلو عن طريق الانترنت
بعد النجاح الهايل اللي حققه event #بروفيسور_اون_لاين وايمانه بفكرة وهدف الـ event أسس MOOC Activity فـ 19/1/2017 وهو واحد من اقوى انشطة الفريق واللي وصل عدد المستفيدين منه حتى الآن لأكثر من 1500 شخص
هدف النشاط ده انه يساعد الطلبة ويتابع معاهم من اول التسجيل ف الكورس لحد ما يستلمو الشهادة ويشاركونا اللي استفادوه وكمان تطوير مهاراتهم عن طريق online camps بتتعمل ف الإجازات واللي بيبدأو فيها رحلة من الإنجازات من اول يوم ف الـ camp لآخر يوم ، مش بس كده كمان انهم يدخلو عالم الـ freelance ويبقى ليهم دخل ويتعاملو مع المواقع بشكل أسهل
ف 10/4/2018 نظّم event #مركون_ع الرف واللي كان أقوى حدث ف جامعة الأزهر ف الوقت ده
مش بس نظّمه لا ده كمان كان واحد من أهم الـ speakers اللي كانو سبب ف نجاح اليوم ، ف كان بيكلمنا عن MOOC وازاي ناخد Courses اون لاين وكمان حددلنا خطوات ندخل بيهم عالم الـ freelance
عدد الحضور ف اليوم ده كان 400 شخص وكان ضمن الـ speakers مستر عبد الله عامر والمهندس احمد طرطور والدكتور ايمن كامل وكمان كان فيه الشاعر مصطفى زيدان والمنشدين : وليد الازهري ، مصطفى إبراهيم ، مصطفى ، مصطفى جلال
اليوم ده ساب أثر ف ذهن الناس لسه موجود حتى الآن ، ودي صور لتفاصيل اليوم وتعليقات الحضور عليه
ف 8/4/2019 نظّم event #اصحى_يا_شلبي واللي أثنى عليه كل كبير وصغير ف الجامعة واللي وصل عدد الحضور فيها لـ 650 شخص
وكمان شارك فيه كواحد من الـ speakers اللي طلعو اليوم بأفضل من المتوقع بشهادة كل الحضور ، وكانت المره التانية على التوالي اللي يتطوع فيها ويكلمنا عن عالم MOOC
شارك ف الـ event دي مؤسسات وشركات كبيرة زي Infosfer, CLIX, English Capsules, Focus, Fawaterk, Kizen و شركة غريب للتعدين
وضمن speakers اليوم كان التيتشر احمد سالم ، دكتور محمد الشيخ ، المنشد محمد عاطف ، الشاعر مروان صبحي وهوست اليوم مستر عبد الرحمن عامر
وأخيراً محمد له أثر كبيير ف تطور شباب كتيييير ف جامعة الأزهر خصوصا وف المجتمع وخدمته عموماً
لأن التطوع هو منّا ولأجلنا
