من نحن ؟

فريق بداية ...

فريق بداية كيان موجود في جامعة الازهر بالقاهرة من 23 فبراير 2014 ... كان الانطلاقة الاولي للفريق في التوقيت ده بـ 3 من شباب الجامعة بدأوا يشاركوا بكل قوة وحماسة وكان كل هدفهم انهم يفيدوا كل زمايلهم وكانت طموحاتهم بسيطة بعض الشئ { وهي انهم يسهلوا العملية الدراسية علي الطلبة بتنظيم مجموعة دروس التقوية لهم مجانا } بعد كده بدأت الطموحات تعلي وترتفع وبدأنا نشتغل علي أكتر من كلية في جامعة الازهر زي كليات "" علوم وهندسة وصيدلة وطب بشري وتجارة وشريعة اسلامية ولغة عربية ودراسات انسانية وشريعة وقانون وغيرهم .........""

بعد كده بدأت الطموحات تعلي وبدل ما كنَّا بنعمل محاضرات تقوية بس بقينا كمان بنعمل كورسات تفيد الطلبة في الواقع العملي ونظمنا بالفعل كورسات زي "" ICDL - ENGLISH - HRM - PHOTOSHOP "" وغيرهم كتير وده كله مجاني طبعاً......
حالياً بقي عندنا اهداف وطموحات اكبر بكتير وده كان بسبب برنامج عملناه تحت عنوان "" بروفيسور أونلاين"" وكان عبارة عن شرح وتعريف بمنصات التعليم علي الانترنت المشهور باسم MOOCS وده اتشرح فيه مجموعة كبيرة من المواقع التعليمية زي كورسيرا - وأليسون - وإدكس - وخان اكاديمي ورواق- وادراك وغيرهم كتييير ....... ومن هنا جات فكرة ان احنا نعمل مجموعات علي الواتساب والفيس بوك ونعلم ناس كتير ونزود عندهم المعلومات التقنية واللي هي في مجالات كتيرة ومتعددة زي أمن المعلومات والعمل الحر والتعليم الاونلاين واللغة الانجليزية وغيرهم كتييييييييييييييير .....

ومن تاريخ 18 يناير 2017 بدأنا كمان في فرع جديد للفريق في جامعة كفرالشيخ

كـ بداية لتوسيع نطاق عمل الفريق وتقديم مساعدة لأكبر عدد ممكن من الناس
لو عايز تنضم لينا وتكون واحد مننا وتساعدنا في الوصول لكل شباب وبنات مصر تقدر تملي الأبلكيشن دي وهنتواصل معاك وتكون معانا بإذن الله
للمزيد من المعلومات عن لجان الفريق اضغط هنا